TITULLI I PROJEKTIT: PROGRAMI I BASHKËPUNIMIT STATISTIKOR

Instrumenti Financues: Programi IPA 2011 me shumë përfitues

Statusi: I përfunduar

Periudha e zbatimit: 25.06.2012-24.07.2014

Financuesi: Bashkimi Europian

Vlera e Financimit: 3,197,000 Euro

Lloji i Financimit: Asistencë Teknike

Përfituesi: INSTAT

Agjencia zbatuese: INSTAT, GOPA

Fushat statistikore përfituese nga projekti:  Statistikat Ekonomike, Llogaritë Kombëtare, Bujqësia, Statistikat Sociale

Objektivat e projektit:

Objektivi i programit është të përgatisë autoritetet statistikore në vendet përfituese për anëtarësimin në BE duke përafruar metodologjitë dhe praktikat e tyre me acquis statistikor dhe integrimin e tyre në sistemin statistikor evropian. Aktivitetet që do të zbatohen përfshijnë Projekte Pilot në: Statistikat Makro Ekonomike (llogaritë kombëtare, llogaritë kombëtare tremujore dhe llogaritë rajonale), statistikat e çmimeve (PPP dhe HICP), statistikat e tregtisë së jashtme, statistikat bujqësore (statistikat agromonetare, statistikat për të korrat dhe prodhimin e kafshëve), statistikat sociale (të ardhurat dhe kushtet e jetesës, sondazhet e buxhetit të familjeve) statistikat e mjedisit (statistikat mbi ujin dhe mbetjet) dhe statistikat e biznesit (statistikat strukturore të biznesit dhe regjistrat e biznesit). Asistenca e përgjithshme teknike sigurohet duke mbuluar kostot e pjesëmarrjes në workshopet e projekteve pilot, grupet e punës të Eurostat, dhe kurset e trajnimeve.

Rezultatet e projektit:

Për projektet Pilot rezultati kryesor i pritshëm është përmirësimi i:

Llogarive Kombëtare; Metodologjia Llogaritë Kombëtare Tremujore; Llogaritë Rajonale të Familjeve; Vlera e shtuar bruto rajonale; Statistikat agro-monetare ; Statistikat vjetore të të korrave; Statistikat e prodhimit të kafshëve; Statistikat e Ujit; Statistikat e Mbetjeve; Statistikat e të ardhurave dhe gjendjes së jetesës; Anketa e buxhetit të familjeve; Regjistri i Biznesit; Statistikat e tregtisë së brendshme të mallrave; Statistikat strukturore të biznesit; Statistikat e Çmimeve - PPP; Statistikat e Çmimeve – HICP