PROGRAMI I BASHKËPUNIMIT STATISTIKOR ME SHUMË VENDE PËRFITUESE

PROGRAMI RAJONAL IPA MB 2022

TITULLI I PROJEKTIT: PROGRAMI I BASHKËPUNIMIT STATISTIKOR ME SHUMË VENDE PËRFITUESE – IPA 2022

Instrumenti Financues: Grant nën IPA III

Statusi: Në vazhdim

Periudha e zbatimit: 01.01.2024 – 31.12.2027

Financuesi: Bashkimi Europian

Vlera e Financimit: 1.609.050,38 Euro

Lloji i Financimit: Asistencë Teknike

Përfituesi: INSTAT, SORS, MONSTAT, MAKSTAT; TurkStat

Agjencia zbatuese: INSTAT

Fushat statistikore përfituese nga projekti: Mbështetja fokusohet në 15 fusha statistikore, përkatësisht për Statistikat e Financave të Qeverisë dhe Defiçitit të Tepërt, Indekset e Harmonizuara të Çmimeve të Konsumatorit (HICP) dhe Indeksi i Çmimeve të Banesave (HPI); Barazitë e fuqisë blerëse (PPP), Statistikat Afatshkurtra të Biznesit, Statistikat e Transportit, Statistikat Strukturore të Biznesit, Anketa e Forcës së Punës, Anketa e të ardhurave dhe nivelit të jetesës, Sistemi i Integruar Europian për Mbrojtjen Sociale, Llogaritë Ekonomike në Mjedis, Statistikat e ujit, Menaxhimi i Cilësisë, Zhvillimi i Qëndrueshëm, Statistikat e qytetit/informacioni gjeografik, si dhe Investimet e huaja direkte (përfitues i të cilës është Banka e Shqipërisë).

Objektivat e projektit:

Objektivi global i projektit është financimi i veprimeve të bashkëpunimit që përfshijnë Institucionet Kombëtare Statistikore (NSI) përgjegjëse për mbledhjen, prodhimin dhe shpërndarjen e statistikave zyrtare në Shqipëri, Mal të Zi, Maqedoni të Veriut, Serbi dhe Turqi.

Objektivi specifik i projektit është të mbështesë pesë përfituesit e sipërpërmendur në veprimet e bashkëpunimit statistikor që mund të zbatohen përmes asistencës teknike, projekteve statistikore dhe ofrimit të ekspertizës për të përmirësuar cilësinë e të dhënave statistikore, duke forcuar kështu kapacitetin e tyre administrativ përmes:

Përmirësimi dhe forcimi i sistemit statistikor të Shqipërisë dhe integrimi i mëtejshëm i tij Sistemin Evropian Statistikor.
Përmirësimi i disponueshmërisë, besueshmërisë, afateve kohore, cilësisë dhe krahasueshmërisë së të dhënave statistikore, të cilat janë thelbësore për zhvillimin, zbatimin dhe monitorimin e politikave evropiane dhe për përgatitjen e Shqipërisë për anëtarësimin e ardhshëm në BE.
Sigurimin e pavarësisë profesionale të Institutit të Statistikave të Shqipërisë dhe forcimi i rolit të tij si koordinator i Sistemit Kombetar Statistikor, duke rritur besimin tek përdoruesit.
Përmirësimi me efikasitetit të Sistemit Kombëtar Statistikor (SKS) në Shqipëri duke përdorur metoda moderne dhe me kosto efektivitet për prodhimin statistikor (si përdorimi i regjistrave administrativë dhe burimeve të tjera (të reja) të të dhënave.

Rezultatet e projektit:

Përmirësimi i disponueshmërisë, cilësisë dhe krahasueshmërisë së statistikave përmes zbatimit te15 projekteve statistikore;